Առողջ մնացեք կարանտինի օրերին
Մենք շարունակում ենք ձեզ ներկայացնել, թե ինչպես #ՏանըՄնա -ի հետ ունենալ հագեցած առօրյա: Այսօր ձեզ կօգնենք ոչ միայն ձեր առօրյան դարձնել հագեցած, այլև օգտակար առողջության համար:
1. Ամբողջ օրը նստած ես, շարժվիր
Այժմ բոլորս փակված ենք տանը, և մեր օրգանիզմը կարող է սովորել նստակյաց կյանքին, ինչը իր բացասական հետևանքները կունենա մեր օրգանիզմի վրա: Առավոտյան արթնանալուց հետո կարող եք 10-15 րոպե անել տնային վարժություններ, ինչպես նաև օրվա ընթացքում փորձեք տանը շարժման մեջ լինել` փոխելով ձեր տեղը կամ տնային ինչ-որ գործեր անելով: Ֆիզիկապես ակտիվ մնալը կնպաստի ձեր օրգանիզմի նորմալ նյութափոխանակությանը:
2. Դե քնիր էլի/Բավական չի քնես
Այսօր մարդիկ բաժանվում են երկու խմբի` չափից ավել քնողներ և չափից պակաս քնողներ: Դե չափի մեջ քնել գրեթե չի ստացվում: Շատերը այնքան գործ են պլանավորում, որ քնելու ժամանակ չի լինում: Մյուսներն էլ այնքան պասիվ օր են ուենում, որ օրգանիզմը պարզապես չի ուզում հանգստանալ: Դե իսկ քնկոտների համար պարզապես կարանտինը հիանալի ժամանակ է շատ քնելու համար: Սակայն այսպես մտածելը սխալ է: Պատճառը այն է, որ երբ մարդ քնում է չափից ավել, նրա օրգանիզմը սկսում է ավելի վատ իրականացնել որոշ ֆունկցիաներ, որոնց համար անհրաժեշտ պայման է ակտիվ վիճակը: Բացի այդ շատ քնելը նպաստում է նաև շուտ հոգնելուն, ալարելուն և ուղեղի ոչ թարմ, այսինքն նվազ գործունյա վիճակին: Իսկ քիչ քնելու վերաաբերյալ պետք է ասել, որ այն ևս վնասում է մարդու առողջությունը: Քիչ քնելու հետևանքով օրգանիզմը չի հասցնում հանգստանալ: Բացի այդ, երբ մարդը գիշերը ժամը 1-2-ը քնած չի լինում, չի արտադրվում գլխուղեղի կենսագործունեության համար խիստ անհրածեշտ մի հորմոն: Հետևաբար, եթե չեք ցանկանում, որ ձեր գործերը և նպատակները կիսատ մնան, ու ժամանակից շուտ ծերանաք, ապա քնեք բավականաչափ` 8-9 ժամը (մինչև 14 տարեկանները` մինչև 11 ժամ):
3. Մի քիչ լավ սնվիր
Այս օրերին կարծես մեր ուտեստներն էլ միատեսակ դառնում, սակայն չպետք է մոռանալ, որ ուտեստների միատեսակ լինելու կամ վնասակար ուտեստներով սնվելու դեպքում ևս առաջանում է թերսնում, քանի որ օրգանիզմը չի բավարարում իր նյութական կարիքները: Փորձեք ունենալ սնունդի լայն տեսականի, կերեք ավելի շատ բանջարեղեն: Փորձեք սնվել ռեժիմով, ոչ թե երբ պատահի: Փորձեք նաև հրաժարվել վնասակար սնունդից: Այսպես դուք կկարողանաք ավելի առողջ օրգանիզմ ունենալ:
4. Ամբողջ օրը էդ անտերի դիմացն ես
Գործերի կամ դասերի բերումով բոլորս գամվել ենք էլեկտրոնային տեխնիկային: Բացի այդ էլ ուրիշ զբաղմունք չունենք: Դե հեռախոսն ու համակաչգիչը հարստացնում են առօրյան: Այո, հարստացնում են, բայց երկար զբաղվելը ևս հարստացնում է մեր օրգանզմը, բայց անցանկալի վնասներով: Երկար ժամանակ էլ. տեխնիկայով զբաղվելը առաջացնում է գլխացավ, ալարկոտություն, կախում, տեսողության խնդիր, արյունատար համակարգի խնդիրներ ևայսպես շարունակ: Փորձեք ընդմիջումներով զբաղվել տեխնիկայով: Որոշակի ժամանակ անցկացնելուց հետո փորձեք շարժվել և աչքերը հեռացնել տեխնիկայից: Ճիշտ ժամանակ և ընդմիջումներով էլ. սրաքով զբաղվելու դեպքում դուք օգուտ կստանաք, իսկ ձեր օրգանիզմը գրեթե չի վնասվի:
5. Տանը մի տեսակ ծանր օդ է
Հաճախակի օդափոխեք տունը: Վիրուսը քամու միջոցով չի գա և մտնի ձեր բնակարան: Հին օդը ծանրանում է և մեր օրգանիզմը ավելի դժվար է շնչում: Իսկ սա իր հերթին առաջացնում է շնչառական և այլ տիպի առողջական խնդիրներ, ինչպես նաև հոգնածություն: Թարմ օդը թարմ ուժեր կբերի ձեր օրգանիզմ: այնպես որ պատուհանը բացեք, թող տունը մի փոքր օդափոխվի:
Խորհուրդները այսքանն էին: Իսկ վերջում հագեցած օր ունենալու համար առաջարկում ենք ընթերցել նաև «10 ԼԱՎԱԳՈՒՅՆ ԳՐՔԵՐԸ, ՈՐՈՆՔ ԱՆՊԱՅՄԱՆ ՊԵՏՔ Է ԿԱՐԴԱԼ», «ԼԱՎԱԳՈՒՅՆ ՍԵՐԻԱԼՆԵՐԸ ՔԵԶ ՀԱՄԱՐ», «ԲՋՋԱՆՔՈՎ ՀԱՐՈՒՍՏ ՍՆՈՒՆԴ ԵՒ ՍՆՆԴԱԿԱՐԳ» հոդվածները, որոնք ձեր առօրյան կլցնեն հետաքրքիր ժամանցով:
