21-րդ  դարը  համարվում  է  տեխնոդար, իսկ  տեխնոդարի  պահանջները  բավարարելու  համար  անհրաժեշտ  է  շարունակ ստեղծել  նոր ծրագրեր, կյանքի  կոչել  որևէ  բնագավառում խնդիրներ  լուծող գաղափարներ: Այս  միտումը նկատվում  է  հայերի  մոտ: Այժմ  ձեզ  ենք  ներկայացնում  մի  շարք  հայկական  ստարտափներ,   որոնք արդեն  ունեն մեծ  հայտնիություն:

Wicastr ` առանց  ինտերնետի  բովանդակության  տարածում

WICASTR-ն ապահովում է տվյալների մշակում և բովանդակության (հավելվածներ, երաժշտություն, կայքեր, խաղեր և այլն) տարածում իրական ժամանակում՝ առանց ինտերնետ կապի։

WICASTR SMART EDGE պլատֆորմը կազմված է երկու բաղադրիչից, ինչն էլ թույլ է տալիս, ի տարբերություն մրցակիցների, առաջարկել ամբողջական ու համապարփակ լուծում։ Առաջին՝ մեծ հիշողությամբ սարք, որը հանդես է գալիս որպես լոկալ սերվեր և նախատեսված է տվյալների վերլուծության և իրական ժամանակում բովանդակության տարածման համար։ Երկրորդ՝ ծրագրային ապահովում, որը հնարավորություն է տալիս հեռակառավարել սարքը և թարմացնել բովանդակությունը:

CodeTrace` ընկերությանը  համապատասխան ծրագրավորողներ գտնելու  հարթակ

CodeTrace-ի միջոցով հնարավոր է ծրագրավորողի գրած կոդի հիման վրա մի քանի րոպեում պարզել նրա գիտելիքներն ու փորձը և հասկանալ՝ արդյոք ծրագրավորողը համապատասխանո՞ւմ է տվյալ ընկերության թափուր հաստիքի պահանջներին, թե՞ ոչ։

Embry` խելացի  ներդիր  քաշը  կառավարելու  համար

Embry-ն կոշիկի մեջ դրվող առաջին խելացի ներդիրն է, որն ունի ներկառուցված կշեռք: Այն թույլ է տալիս զբաղված մարդկանց պահպանել իրենց ցանկալի քաշը, ու վերջինիս մի փոքր ավելացման դեպքում ստանալ ծանուցում և այն նորից կորցնելու անհատական խորհուրդներ։ Embry-ն բարակ է, հարմարավետ ու իր չափերով չի տարբերվում սովորական ներդիրից։

inOne` բոլոր զեղջի  քարտերը  սմարթֆոնում

inOne հավելվածի միջոցով հնարավոր է թվայնացնել զեղչի, կուտակային և անդամակցության քարտերն ու դրանք պահել սմարթֆոնում։ Այսինքն՝ հավելվածը դառնում է թվային դրամապանակ, որը հեշտացնում է մարդու առօրյան՝ լուծելով քարտը տանը մոռանալու կամ կորցնելու խնդիրը։

Lumzag` խելացի  պայուսակ` տարատեսակ  հնարավորություններով

Lumzag-ը ոչ միայն նորաձեւ, այլեւ խելացի պայուսակ է, որը թույլ է տալիս օրվա հագեցած իրադարձություններին զուգահեռ անհրաժեշտ իրերն ինչ-որ տեղ չմոռանալ, չկորցնել ու չանհանգստանալ դրանց անվտանգության համար։

Չնայած խելացի պայուսակների շուկան հագեցած է՝ Lumzag-ն առաջինն է, որ միաժամանակ կատարում է տարբեր նորարար գործառույթներ։ Պայուսակն ունի իր օնլայն հավելվածը, որը ներբեռնելուց հետո անհրաժեշտ բոլոր ծանուցումներն այն ուղարկում է օգտատիրոջ հեռախոսին կամ խելացի ժամացույցին։

2Hz` հեռահարդոակցության ժամանակ  աղմուկը  անհետացնող ծրագիր

2Hz ստարտափի Krisp հավելվածը նախատեսված է հեռահաղորդակցության ժամանակ միջավայրի աղմուկի վերացման ու զանգի որակի բարելավման համար։ Այսինքն՝ հնարավոր է աղմկոտ միջավայրից՝ սրճարանից, ինքնաթիռից, մեքենայից, բազմամարդ աշխատասենյակից զանգ կատարելուց առաջ ակտիվացնել Krisp-ն ու հանգիստ խոսել՝ չանհանգստանալով, որ շրջապատի աղմուկը կլսվի զանգի ժամանակ։ Krisp ունենալու դեպքում հնարավոր է նաեւ սեփական համակարգչից անջատել զրուցակցի միջավայրի աղմուկն ու լսել միայն նրա ձայնը՝ պարզ ու հասկանալի։

Cribby`  առաջին  խելացի  օրորոցը

Ծնողների կենցաղն ավելի հեշտացնելու և անհրաժեշտության դեպքում երեխային հեռակա հետևելու համար երիտասարդները ստեղծել են առաջին խելացի օրորոցը՝ Cribby-ն։ Այս փայտե օրորոցն ունի կշեռք, ներկառուցված տեսախցիկ, բարձրախոս, սենյակի խոնավության, օդի ջերմաստիճանի, լույսի վերահսկման սենսորներ և տարբեր ժողովուրդների օրորոցայիններ՝ երեխային քնեցնելու համար։

Այս  շարքի  ստարտափներին կծանոթանաք  առանձին-առանձին: Շարքը  կլինի  շարունակելի:

Շարքը կազմելիս  օգնեցին  hetq.am-ի  վերլուծությունները: