Արմեն Թադևոսյան – «Ծովը կաթիլներից է բաղկացած»
Ասում են՝ ծովը կաթիլներիցա բաղկացած։ Կաթիլներից, ոչ թե ջրավազաններից, լճերից կամ այլ ծովերից։ Այդքան փոքր մասնիկներից։ Իսկ գիտե՞ս, որ դու ծով կարող ես ունենալ, ես էլ ու ընդհանրապես ամեն մարդ կարող է ծով ունենալ։ Զարմանալի է, բայց հնարավոր, միայն ցանկանաս։
Ունե՞ս երազանք։ Եթե սա կարդում ես, ուրեմն ապրում ես, իսկ եթե ապրում ես, ուրեմն երազանք էլ կունենաս։ Իսկ ի՞նչ ես անում երազանքիդ հասնելու համար։ Միգուցե պատասխանես՝ երազանքը երազելու համար է։ Ոչ, հարգելիս, երազանքը կատարվել է սիրում։ Թախտին նստելով երազանքիդ չես հասնի։ Գիտե՞ս՝ երազանքին հասնելու համար շատ բան պետք չէ. միայն երազանքդ դարձրու նպատակ, հետո երազանքիդ փոսը ամեն օր մի կաթիլ քայլ գցիր։ Եվ վե՞րջ։ Իհարկե։ Հիմա կասես, բայց, հնարավոր է, ես շատ մեծ նպատակներ ունեմ, ու փոքրիկ քայլը ինձ ոչինչ չի տա։ Իսկ եթե մեծ քայլեր անես, մի՞թե շուտ չես հոգնի։ Պատկերացրու՝ դու պիտի կտրես 1 կմ ճանապարհ, ո՞րն է ավելի նպատակահարմար՝ 1 մ քայլով անել 1000 քայլ, երբ կեսից կհոգնես, թե 0,5 մ քայլով 2000 քայլ , երբ տարածությունը չես էլ զգա։ Հիշիր՝ կաթիլով է ծովը լցվում։ Օրինակ՝ ցանկանում ես հավաքել 300000 դրամ կահույք գնելու համար։ Տարին էլ վերջացած չի լինի, երբ դու կհավաքես, եթե օրեկան դու խնայես 1000 դրամ։ Իսկ գիտե՞ս, որ օրը 5 բառ նոր լեզվով սովորելու դեպքում, դու հանգիստ կշփվես այդ լեզվով խոսող քո հասակակիցների հետ։ Հիշիր՝ կաթիլներով է լցվում ծովը։ Ուրեմն նպատակ դիր ու հենց այսօրվանից կանոնավոր ու ջանասեր կերպով փոքր, բայց հաստատուն քայլերով գնա դեպի երազանքդ, որն արդեն դարձելա նպատակ։
Հ.Գ. Բայց ճիշտ նպատակ դիր, հակառակ դեպքում հետևանքը լավը չի լինի)))
