Բարև, ես Արկադին եմ, 18տարեկան, գրաֆիկ դիզայներ և ապագա Նեթֆլիքսի իրավաբան:

Ապրում եմ ք. Մարտունիում և սովորում… տեղի ծխական դպրոցում… ըըըը… չէէ. տեղի Ավագ Դպրոցի 12րդ դասարանի հումանիտար հոսքում․ դեե միշտ ինձ հետաքրքրել է պատմությունն ու լեզուները:

Չնայած փոքր տարիքիս արդեն մասնակցել եմ ամենատարբեր ծրագրերի, որոնցից են օրինակ` Համահայկական Կամավորական Միության անդամ լինելս, Մարտունի քաղաքում փոքր ծրագրեր իրականացնելը, տարբեր դասընթացների, սեմինարների մասնակցելը, և այլն:

Այժմ պատրաստվում եմ ընդունելության քննություններին և դրա հետ մեկտեղ աշխատում Հայաստանի լավագույն սրճարաններից մեկում որպես գրաֆիկ դիզայներ, զբաղվում սիրելի հոբբիներովս և իհարկե զարգացնում իմ բրենդը` Aaka Fashion-ը: Վերջինս ստեղծել ենք 2016թ, անցել հետաքրքիր ճանապարհներով ու հասել մինչ օրս: Aaka Fashion-ը հայկական արտադրանք է, ամբողջ հումքը տեղական` խթանելով հայկական արտադրությունը և միևնույն ժամանակ ստեղծելով յուրօրինակը։ Բոլոր շապիկները նկարված են ձեռքով և մինիմալիստական ամենատարբեր պատկերներ են։

Արվեստը ոչ միայն հիացնում, այլև օգնում է հասնել նպատակներիս։