Ո՞վ է իսկական առաջնորդը

Գաղտնիք չէ, որ աշխարհում ամենաքննարկվող հարցերի կողքին կա նաև այն հարցը, թե ո՞վ է առաջնորդը (leader), և ո՞վ է ղեկավարը (Boss-ը)։  Առաջնորդ դառնալու համար կան շատ հայտնի ու արդյունավետ դասընթացներ, սակայն ամենակարևորներից է ունենալ առաջնորդի ոգի, որը չունեն բոլորը։ Իրականում նույնիսկ ցավալի կլիներ, որբ բոլորը ծնվեին առաջնորդ, քանի որ թիմում մի քանի առաջնորդ լինելու դեպքում հաճախ են առաջանում տարաձայնություններ։ Կարելի է ասել՝ առաջնորդ ծնվում են, ոչ թե դառնում։

Առաջնորդությունը մարդկանց մոտիվացման արվեստ է, որպեսզի հասնեն հիմնական միևնույն նպատակներին։ Դա ակնհայտ է, որ առաջնորդը հրամայելու փոխարեն կանգնում է իր թիմի կողքին և հավասար ուժերով հասնում սահմանված նպատակակետին։ Բոլորիս հայտնի է, որ առաջնորդը պետք է ունենա մի շարք առավելություններ ու հմտություններ, որպեսզի գրանցի լավ արդյունք։

Այժմ խոսենք մի քանի կարևոր հմտություններից, որոնք պետք է ունենա իսկական առաջնորդը։

1. Գրագետ որոշումներ կայացնելու հմտություն։ Սա ամենակարևորներից է իսկական առաջնորդ լինելու համար, քանի որ առաջնորդը պետք է հասկանա ու ճիշտ մոտենա ստեղծված իրավիճակին՝ տալով գրագետ հանգուցալուծում։ Առաջնորդը պետք է հաստատակամ լինի իր իսկ կայացրած որոշումներում՝ թիմի անդամների մոտ խուճապ չառաջացնելու համար։

2. Համարձակություն։ Համարձակությունը ամենակարևոր հատկանիշն է առաջնորդի համար։ Առաջնորդը պետք է համարձակ լինի, որպեսզի կարողանա թիմին ճիշտ ուղղություն ցույց տալ և տանել ճիշտ ճանապարհով։ Առաջնորդի համարձակությունը թիմի համարձակությունն է։

3. Թիմին ոգևորելու, թևեր տալու կարողություն։ Առաջնորդի համար շատ կարևոր է կարողանալ թիմին ոգևորել, քանի որ այն դեպքում, որբ առաջնորդի մոտ չստացվի ոգևորել թիմակիցներին, նրանք կսկսեն այլևս չվստահել ու չլսել իրենց առաջնորդին, որն էլ կտանի թիմի տրամաբանական կործանմանը։

4. Շփվելու կարողություն։ Ղեկավարներին բավական է միայն շփվելու կարողությունը, ինչը չենք կարող ասել առաջնորդների համար։ Առաջնորդին բացի շփվելու կարողությունը հարկավոր է նաև լսելու, հասկանալու և բացատրելու, իրագործելու կարողություն, քանի որ առաջնորդը հրամայելու փոխարեն առաջնորդում է թիմը։

5. Արագ կողմնորոշվելու կարողություն։ Առաջնորդի խնդիրներից է անկանխատեսելի իրավիճակներում արագ կողմնորոշվել և ճիշտ գործել։ Արագ արձագանքել յուրաքանչյուր անսպասելի զարգացման։

6. Պատասխանատվության զգացում։ Առաջնորդը պետք է լինի չափազանց պատասխանատու և զգոն, քանի որ նա կրում է ողջ թիմի բեռն իր ուսերին։ Պետք է ձեռք բերի անմնացորդ վստահություն թիմակիցներից, որպեսզի թիմն ունենա տեսանելի արդյունք։ Առաջնորդը՝ կարելի է ասել, սնվում է մարդկանց դրական էներգիայով, ինչն էլ իր լավ աշխատանքի գրավականն է։

Եղե՛ք ճիշտ ժամանակին ճիշտ վայրում, և մի՛ թերագնահատեք ինքներդ Ձեզ։