Ճանաչիր ինձ – Աննա Գալստյան
Ես Աննան եմ Գալստյան։Ծնվել եմ 2002թ-ին Սյունիքի մարզի Սիսիան քաղաքում,մինչև 9-րդ դասարան սովորել եմ Սիսիանի 2 -րդ հիմնական դպրոցում իսկ այժմ սովորում եմ ավագ դպրոցում և 11-րդ դասարան եմ։Սիրում եմ ասմունքել և ստեղծագործել,ունեմ նաև գիրք հրապարակած (ՔԵԶ ՀԱՄԱՐ) վերնագրով և կհրապարակեմ շուտով ևս մեկը,սակայն մասնագիտությամբ ընտրել եմ իրավաբանությունը, քանի որ ես գտնում եմ,որ օրինապահ մարդ եմ և սիրում եմ շարժվել օրենքով։Գրելը մեղմացնում է իմ ցավը…
Իմ գրածներից`
Քեզ երբեք չեմ փնտրել, Դու իմն ես եղել միշտ, Ու թե բաժանվել ենք, Քայլերս էլի ու էլի Քեզ մոտ են բերել։ Ու թե արտասվել եմ Կամ ցավել է սիրտս, Խոսքով ես բուժել Ու համբուրել էլի։ Դու եղել ես այն ինչ ունեմ` Աչքն ու ականջը, Սիրտն ու հոգին, Սերն ու ցավը... Դու իմ քաղաքն էիր, Ուր ամեն օր թափառում էի Ժպիտը դեմքիս, Դու իմ աշխարհն էիր Ու չեմ կորցրել քեզ աշխարհում, Ու չեմ փնտրել քեզ երբեք, Դու իմն ես եղել միշտ
Ահա և մյուսը
Պատահական հանդիպեցի մի ծերունու
Խեղճ ծերունու,ծեր ծերունու։
Անկարող էր,թե ինձ նայել,
Անկարող էր պատասխանել,
Թե ինչպե՞ս է Սեր կորցրել,
Ծնող թաղել,
Անկարող էր,խեղճ ծերունին,
Ծեր ծերունին,
Ժպտում՝մեղմիկ,
Նայում թախծոտ
(Սպասի՛ր աղջիկ)
Չեմ ուզում,որ իմանաս,
Թե ինչպես են ծնող թաղում,
Սեր կորցնում,
Ապրիր խաղաղ այս լուսնի տակ,
Ապրիր ուրախ ու միշտ զվարթ,
Սիրիր մեկին դու քո կյանքում
Սիրիր մեկին,հիշիր մեկին,
Որ չկորցնես շատ շատերին...
Սա է կյանքը ապրիր դուստր իմ
Հետևիր ինձ՝
