Ամենա-ների թոփ 10
Ամենաշատ լեզուներ իմացող անձնավորությունը եղել է կարդինալ Ջուզեպե Մեդզոֆիատին (1774-1848), որն իր ժամանակին եղել է Վատիկանի ավագ գրադարանավարը: Նա թարգմանություններ է արել 114 լեզվից և 72 բարբառից, վարժ խոսել 39 լեզվով, մասնակի տիրապետել 11-ին, հասկացել է 20 լեզու և բարբառ:
Ամենաերկար ճառն աշխարհում արտասանել է ամերիկյան սենատոր Ռալֆ Ռեսկին: Նա ճառը սկսել է 1968 թվականի ապրիլի 3-ին` կեսօրին, և վերջացրել է ապրիլի 5-ին` առավոտյան ժամը 3-ին: Նրա ելույթի թեման այն նախագծի քննադատությունն էր, որը վերաբերում էր ակնոցների համար վճարելու կարգին:
Ամենաերկար նախադասությունը Վիկտոր Հյուգոյի «Թշվառներ» վեպում է: Այն կազմված է 823 բառից, որոնք միմյանցից բաժանված են 93 ստորակետով, 57 կետ-գծով և 4 գծիկով:
Ամենամեծ գրադարանն աշխարհում ԱՄՆ-ի կոնգրեսի գրադարանն է Վաշինգտոնում: Այստեղ պահվում է 60 միլիոն կտոր գիրք, իսկ գրադարակների ընդհանուր երկարությունն անցնում է 456,8 կիլոմետրից:
Ամենափոքր բանակն աշխարհում ունի Սան-Մարինո պետությունը` 11 հոգի: Կոստա-Ռիկա, Իսլանդիա, Լիխտեյնշտեյն, Մոնակո պետություններն ընդհանրապես բանակ չունեն:
Մարդու մարմնի ամենասառը մասը քիթն է: Քթի ծայրի ջերմությունը սովորաբար չի անցնում Ցելսիուսի 22 աստիճանից:
Բոլոր լեզուներում ամենից շատ կրկնվում է «Ե» ձայնավորը:
Ամենաքիչ թվով մազ կա թխահերների գլխին` միջին հաշվով 110 000, իսկ շիկահերների մոտ 40 000-ով ավելի է:
Ամենաարագ վիրահատությունը կատարել է շոտլանդացի հայտնի վիրաբույժ Ռոբերտ Լայստոնը: Նա առանց նարկոզի 33 վայրկյանում անդամահատել է հիվանդի ձեռքը: Ճիշտ է, «ռեկորդսմեն» բժիշկը այդ միջոցին սխալմամբ կտրել է նաև իր ասիստենտի երեք մատները:
Աղբյուր․ YerevanStyle.com
