Աղցան Կապրեսե
Բաղադրիչներ
- լոլիկ չերրի – 400 գր
- պանիր մոցարելլա – 1 տուփ
- ձիթապտուղ կանաչ – 1 տուփ
- ձիթապտղի յուղ – 1 ճ/գ
- սոուս բալզամիկ – 1 ճ/գ
- ռեհան – 1 կապ
Պատրաստման եղանակ
Կապրեզե աղցանը շատ հայտնի է, և տնտեսուհիները հաճախ են այն պատրաստում: Սակայն աղցանի հենց այս տեսքը կարծես ստեղծված լինի ամանորյա սեղանի համար: Չերրի տեսակի լոլիկը, մոցարելլայի մանր գլխիկներն ու ձիթապտղի հատիկներն ասես տոնածառի խաղալիքներ լինեն, իսկ ռեհանը` ամանորյա պսակաձև զարդ:
Անցնենք պատրաստմանը:
- Լոլիկները լվանում ու չորացնում ենք: Մանր գլխիկներով Մոցարելլա պանիրը հանում ենք տուփից ու թղթե անձեռոցիկով չորացնում ենք (մենք օգտագործել ենք «Պրեզիդենտ» Մոցարելլան):
- Ռեհանի տերևները լվանում, չորացնում և բաժանում ենք ոչ մեծ ճյուղերի:
- Ռեհանի ճյուղերը շրջանաձև դասավորում ենք մատուցվող մատուցամանի մեջ:
- Լոլիկը, պանիրն ու ձիթապտուղները շրջանաձև դասավորում ենք ռեհանի տերևների վրա:
- Ձիթայուղը խառնում ենք բալզամիկ սոուսի հետ և համեմում ենք աղցանը ստացված սոուսով:
Ի դեպ, բազմաթիվ այլ տոնական աղցաններ կարող եք գտնել մեր կայքում, պատրաստել ու զարմացնել ձեր հյուրերին:
Ինչպիսի՞ն է ձեր արձագանքը
Զվարճալի
0
Օգտակար
0
Սիրելի
0
Վստահ չեմ
0
