4 հետաքրքիր փաստ փոքր բիզնեսի մարքեթինգի մասին

Ձեզ ենք ներկայացնում չորս հետաքրքիր փաստեր, որոնք կարող են հուշում դառնալ ձեր փոքր բիզնեսի մարքեթինգի պլանը գրելիս:

1. Շատ բիզնես ընկերություններ դեռ չունեն իրենց վեբ կայքը
Մեր ժամանակներում ամենակիրառելի գործիքներից մեկը՝ օնլայն հարթակը, շատ բիզնես ընկերությունների համար իրացվելու հրաշալի հնարավորություն է: Այնուամենայնիվ, SCORE-ը պարզել է, որ փոքր բիզնեսի 51% -ը ունի վեբկայք: Նման պատկեր գուցե առաջանում է փոքր բիզնեսի սեփականատերերի անհանգստության արդյունքում, թե վեբ կայք ստեղծելը թանկարժեք տեխնիկական գլխացավանք կլինի: Սա ճշմարտացի կլիներ մտածել 90-ականներին: Այժմ, Wix-ի և վեբ կայքերի այլ պարզեցված ծառայությունների միջոցով միանգամայն հնարավոր է կայք ստեղծել մեկ օրվա ընթացքում` առանց կոդավորման հմտությունների և համեստ բյուջեով:
Եթե դու ունես փոքր բիզնես, որը դեռ չունի կայք, կարող ես ուսումնասիրել բոլոր օնլայն հնարավորությունները National Federation of Small Businesses-ում:

2. Տասը փոքր ձեռնարկություններից միայն երեքն են բավականաչափ ներդրումներ կատարում մարքեթինգում
SCORE-ի ուսումնասիրության արդյունքում փոքր բիզնեսների 42% է մարքեթինգում ներդնում իրենց եկամուտների 3%-ը: Սա համեմատենք Small Business Administration կայքի այն մտքի հետ, որն ասում է. «Որպես կանոն, 5 միլիոն դոլարից ցածր եկամուտ ունեցող փոքր ձեռնարկությունները պետք է իրենց եկամուտների 7-ից 8%-ը հատկացնեն շուկայավարմանը՝ մարքեթինգին»: Ըստ շուկայավարման շատ փորձագետների՝ դա իրականում ցածր ցուցանիշ է:

3. Էլ. Փոստով իրականացվող մարքեթինգի իրականացումը դեռ կենդանի 
SCORE-ի ուսումնասիրած փոքր բիզնեսների 50%-ը օգտագործում է էլ.փոստը՝ որպես մարքեթինգային գործիք, մինչդեռ դրանց 48% է օգտվում է սոցիալական լրատվամիջոցներից: Սա հետաքրքիր տվյալ է, երբ համեմատում ենք մասնագետների շրջանում տարածված այն մտքի հետ, թե էլեկտրոնային փոստով իրականացվող մարքեթինգը վաղուց արդիական չէ: Փորձենք հասկանալ՝ ինչու՞
· Էլ. փոստով իրականացվող մարքեթինգը մատչելի է: Կարող եք սկսել անվճար կամ 25 $ ամսավճարով,
· Ուսումնասիրությունները փաստում են, որ էլեկտրոնային փոստն իրականում ընկերություններից նորություններ ստանալու նախընտրելի եղանակ է:

4. Word of mouth-ը հիանալի մարքեթինգային մարտավարություն է
Փոքր բիզնեսի համար Word of mouth-ի կարևորագույն ձևերից մեկը առցանց ակնարկներն են, կարծիքները. ԱՄՆ սպառողների վերջին հարցման համաձայն՝ նրանց 91% -ը պարբերաբար կամ երբեմն կարդում է առցանց ակնարկներ (review): Ստացվում է, որ բիզնեսի մասին սպառողների մեջ խոսակցությունները կարող են շատ արդյունավետ լինել, քանի որ շատ մարդիկ հետևում են առցանց ակնարկներին, կազմում տպավորություններ:
Փաստացի, հաճախորդը աջակցում է բիզնեսին: Ըստ այդ նույն հետազոտության՝ հաճախորդների 86% -ը չի օգտվի նույնիսկ այնպիսի բիզնեսից, որն ունի երեք աստղ գնահատական սպառողների կողմից: 55% -ը չի հետաքրքրվի բիզնեսով, եթե այն չորս աստղ կամ պակաս գնահատում ունի:

Աղբյուր՝ business-armenia.com